Litu ekki á Björgólf Thor sem tengdan aðila
Setja bókamerki
Fyrrverandi stjórnendur gamla Landsbankans segjast ekki hafa litið á Björgólf Thor Björgólfsson sem tengdan aðila þegar útibú bankans í Lundúnum lánaði félagi hans, Novator Pharma, 43 milljarða króna. Lánið var veitt þrátt fyrir að Björgólfur hafi átt stærsta einstaka hlutann í Landsbankanum ásamt föður sínum Björgólfi Guðmundssyni. Þetta kom fram í fréttum Sjónvarpsins í kvöld.
Á fyrri hluta ársins 2007 lánaði útibú Landsbankans í Lundúnum Novator Pharma 206 milljónir punda eða sem samsvarar 43 milljörðum króna, miðað við gengi dagsins í dag. Þetta er langstærsta lánið í lánabók útibúsins. Það er til að mynda um það bil fjórfalt stærra en næst stærsta lánið í bókinni.
Samkvæmt lögum um fjármálafyrirtæki má áhætta vegna eins eða fleiri innbyrðis tengdra viðskiptamanna ekki fara fram úr 25% af eiginfjárgrunni fjármálafyrirtækis.
Fjármálaeftirlitið rannsakar nú hvort Landsbankinn hafi farið yfir þetta lögbundna hámark með lánveitingum sínum til tengdra félaga. Rannsókninni miðar vel og búist er við niðurstöðu á næstu vikum, að því er fram kom í fréttum Sjónvarpsins.
29 nautgripir fundust dauðir
Nauðgaði kærustu sinni og tók það upp
Sárt að horfa upp á illa meðferð fjármuna
Bjarkey stendur við skammarbréf Svandísar
Gerir ráð fyrir 150 samningum í næstu viku
Segjast ekki vera á kaldri slóð
„Búið að vera í dreifingu í einhvern tíma“
Aðkoman í gripahúsið mjög slæm