Frá NYMEX markaðnum í New York þar sem viðskipti með hráolíu fara fram. AP

Verð á hráolíu lækkaði talsvert í Asíu í morgun en það er talið afleiðing af  lækkun á Wall Street á föstudag og minni væntingum bandarískra neytenda. Verð á hráolíu til afhendingar í september lækkaði um 1,10 dali í 66,41 dal tunnan í rafrænum viðskiptum á NYMEX-markaðnum í New York í morgun.

Verð á Brent Norðursjávarolíu til afhendingar í október lækkaði um 99 sent og er 70,45 dalir tunnan á markaði í Lundúnum.

Á föstudag lækkaði tunnan af hráolíu um 3,01 dal í New York og Brent olían um 1,07 dali í Lundúnum.