Viðskipti | mbl | 18.8.2009 | 8:26 | Uppfært 10:13

Gamli Landsbankinn afskrifar skuldir Magnúsar

Magnús Kristinsson.

Útgerðarmaðurinn og eigandi Toyota á Íslandi, Magnús Kristinsson, hefur samið við skilanefnd gamla Landsbankans um að stór hluti 50 milljarða króna skuldar hans við bankann verði afskrifaður. Hann mun þurfa að greiða þrotabúi gamla Landsbankans það litla sem hann var persónulega ábyrgur fyrir. Þetta kemur fram í DV í dag.

Hluti skuldanna er tilkominn vegna kaupa Magnúsar á Toyota-umboðinu fyrir fjórum árum. Magnús var hluthafi í Landsbankanum við bankahrunið í haust.

Magnús hefur samið við skilanefnd Landsbankans um að stór hluti af tæplega 50 milljarða króna skuldum eignarhaldsfélaga hans verði afskrifaður, samkvæmt heimildum DV.

Magnús mun hins vegar þurfa að standa skil á því sem hann er persónulega ábyrgur fyrir.