Verðhjöðnun á evrusvæðinu minnkar
Líkur á frekari verðhjöðnun í þeim ríkjum innan Evrópusambandsins sem nota evru sem gjaldmiðil, minnkuðu verulega þegar endanlegar tölur Evrópusambandsins fyrir ágúst sýndu að verulega hafði hægt á lækkun verðlags.
Framfærsluvísitala ríkjanna 16 innan evrusvæðisins féll um 0,2% í ágúst miðað við 12 mánaða tímabil, mun minna en 0,7 lækkunin í júlí sem var hin mesta í sögunni, að því fram kom hjá Eurostat, hinni opinberu hagstofu ESB.
Eftir að tölur frá mánudeginum sýndu að evrusvæðið virtist vera að rísa upp úr versta öldudal sem orðið hefur frá því í síðari heimsstyrjöldinni í lok þessa mánaðar, þykja þessar nýjustu tölur ýta undir frekari viðsnúning í hagkerfinu.
Verðbólgutölur sýndu lækkun neysluverðsvísutölunnar þriðja mánuðinn í röð, sem reyndar er fyrsti samdrátturinn frá því að heimilin hófu að greiða fyrir vörur með evruseðlum og mynt í byrjun árs 2002.
Verðbólga í ágústmánuði var hins vegar 0,3% og sérfræðingar telja mjög líklegt að í júlímánuði hafi verðhjöðnunin náð hámarki og að verðlag neysluvöru verði jafnvel orðið jákvætt milli ára þegar í þessum mánuði. Rétt er að taka fram að innan hagfræðinnar er verðhjöðnun jafnvel talin skaðlegri heldur en mikil verðbólga.
Ekki þykir líklegt að markmið evrópska seðlabankans um verðbólgu rétt undir 2% sé í sjónmáli um nokkurt skeið, að mati sérfræðinga, aðallega vegna ójafnvægis í framleiðslu á svæðinu, 15 milljóna á atvinnuleysisskrá sem fari enn vaxandi auk tiltölulega sterkrar evru.
Af þessari ástæðu er talið að stýrivextir evrópska seðlabankans munu mjög ósennilega hækka umfram 1% fyrr en langt sé liðið á árið 2010 þar sem ella sé hætta á að efahagsbatinn á evrusvæðinu fari í súginn.
Verst er verðhjöðnunin á Íralandi þar sem lækkun verðlags var 2,4% í ágúst miðað sama tíma í fyrra, og langt frá 3,8% verðbólgu fyrir ári.
Innan allra 27 ríkja Evrópusambandsins er verðbólgan milli ára 0,6% í ágúst samanborðið við 4,3% fyrir ári. Eftir að hafa orðið hæst um 4% í júní og júlí 2008 á evrusvæðinu hefur verðbólgan lækkað hratt samfara því að olía og önnur hrávara hefur hrunið í verði efnahagssamdrættinum á heimsvísu.
