Verð á hráolíu lækkar hratt

Verð á hráolíu hefur haldið áfram að lækka í dag eftir að birtar voru upplýsingar um birgðastöðu orkugjafa í Bandaríkjunum í gær. Samkvæmt þeim er minni eftirspurn eftir eldsneyti heldur en væntingar voru um í þessu stærsta hagkerfi heims.

Á NYMEX markaðnum í New York hefur verð á hráolíu til afhendingar í nóvember lækkað um 28 sent og er 68,69 dalir tunnan.

Í Lundúnum hefur verð á Brent Norðursjávarolíu lækkað um 18 sent og er 67,81 dalur tunnan. 

• 1 blogg um fréttina

Bloggað um fréttina

• Montyus Python: Lækkun á olíu þýðir hækkun á Bensíni hér á landi.