Viðskipti
| Morgunblaðið
| 29.9.2009
| 5:50
Bræðurnir seldu sjálfum sér Lyf og heilsu
Lyf og heilsa mbl.is/Golli
Eftir Þórð Snæ Júlíusson thordur@mbl.is
Því er Lyf og heilsa ekki á meðal þeirra eigna sem Milestone færði undir Moderna Finance AB á sínum tíma og nú er verið að skoða hvort hægt sé að rifta færslu á á grundvelli gjaldþrotalaga. Slík riftun getur átt sér stað í allt að 24 mánuði eftir skrásettan söludag.
Greiðist eftir hentugleikum
Félag bræðranna, sem heitir Aurláki ehf., keypti Lyfja og heilsu-verslanirnar út úr Milestone-samsteypunni fyrir um 3,4 milljarða króna, en um 2,5 milljarðar af kaupverðinu voru greiddir með yfirtöku skulda. Í úttekt Ernst & Young á viðskiptum Milestone við tengda aðila kemur hins vegar fram að 896 milljónir króna hafi verið „viðskiptafærðar og skulu greiðast við fyrstu hentugleika samkvæmt samningi“.Þetta þýðir að Moderna lánaði Wernersbræðrunum tæpar 900 milljónir króna til að þeir gætu keypt út Lyf og heilsu og að þeir ættu að greiða skuldina þegar þeir gætu. Guðmundur Ólason, forstjóri Milestone, segir að skuldin hafi verið gerð upp skömmu eftir að til hennar var stofnað.
Sex prósent fást upp í kröfur
Milestone var tekið til gjaldþrotaskipta fyrr í þessum mánuði eftir að kröfuhafar félagsins höfnuðu nauðasamningum, en þeir gerðu ráð fyrir að um sex prósent fengjust upp í kröfur. Stærsti einstaki kröfuhafinn er skilanefnd Glitnis með 44 milljarða króna kröfu. Í skýrslu með nauðasamningsumleitunum kom fram að umsjónarmaður þeirra mæti það svo að eignir hefðu verið færðar frá Milestone til Moderna í Svíþjóð án endurgjalds og því hefði verið um gjafagjörning að ræða.
© Árvakur hf.
Öll réttindi áskilin
