Yfir 100 bankar í þrot

Bandaríska fjármálaeftirlitið lokaði í gær sjö bönkum, þar á meðal þremur þremur litlum bönkum í Flórída. Eru þar með orðnir yfir eitthundrað bankarnir sem hrunið hafa í Bandaríkjunum af völdum fjármálakreppunnar.

Áætlað er að kostnaður hins bandaríska tryggingasjóðs innstæðueigenda vegna fallinna banka sé orðinn 25 milljarðar dollara í ár. Fleiri bönkum hefur verið lokað á árinu í Bandaríkjunum en á nokkru ári frá 1992. Þá fóru  181 banki á hausinn en í ár eru þeirorðnir 106.

Sjóðurinn tryggir innstæður sparifjáreigenda fyrir allt að 250.000 dollara á hvern reikning.

Talið er að ekki sjái fyrir endann í þessum efnum og fleiri bankar eigi eftir að leggja upp laupana fyrir áramót vegna taps á lánastarfsemi.

Margir hinna föllnu banka eru smáir að sniðum, nokkurs konar hverfisbankar eða sparisjóðir sem liðu fyrir að smáfyrirtæki og einstaklingar endurgreiddu ekki lán eftir að fjármálakreppan skall á.

• 3 blogg um fréttina

Bloggað um fréttina

• Jakob Falur Kristinsson: Bandaríkin
• Haraldur Haraldsson: Yfir 100 bankar í þrot /var ekki þar sem kreppan …
• Ægir Óskar Hallgrímsson: Gleðitíðindi!