Bati í augsýn um mitt ár 2010
Setja bókamerki
Framkvæmdastjórn Alþjóðagjaldeyrissjóðsins segist sjá fyrir sér að Ísland komist fyrir vind í efnahagsmálunum um mitt næsta ár. Þótt erlendar skuldir landsins séu meiri en áætlað var þegar samningur sjóðsins og Íslands var gerður í nóvember á síðasta ári sé brugðist við því í endurskoðaðri áætlun.
Murilo Portugal, aðstoðarframkvæmdastjóri Alþjóðagjaldeyrissjóðsins, stýrði fundi framkvæmdastjórnar um endurskoðaða efnahagsáætlun í gær. Haft er eftir honum á vef sjóðsins, að meginmarkmið peningamálastjórnunar á Íslandi verði að viðhalda stöðugleika gengis krónunnar. Þá ætti endurreisn fjármálakerfisins að auka traust og opna fyrir varkára lækkun vaxta.
Nauðsynlegt sé að viðhalda gjaldeyrishöftum um sinn en þau ætti að afnema í áföngum í samræmi við áætlun stjórnvalda þegar trú á efnahagskerfið eykst og greiðslujöfnuður leyfir.
Þá segir Portúgal, að það hafi reynst flókið verk að endurskipuleggja fjármálakerfið en mikilvægum áföngum hafi verið náð með endurfjármögnun Nýja Kaupþings og Íslandsbanka. Nú sé mikilvægt að ljúka viðræðum um Landsbankann. Tryggja verði jafnræði milli kröfuhafa en jafnframt sé mikilvægt, að íslenska ríkið yfirtaki ekki meiri skuldir frá einkaaðilum.
Shakespeare fannst í skókassa
Gígbarmurinn hækkað frá því í gær
Krefjast stöðvunar framkvæmda
„Hvílir mikil leynd yfir þessu öllu“
Skiptir miklu meira máli en fólk grunar
Telur forsendur fyrir vaxtalækkun
Tveir í bílnum sem lenti utan vegar
Sex hafa greinst með listeríu