S&P hótar að lækka einkunn Toyota

Matsfyrirtækið Standard and Poor's hótaði því í dag að lækka lánshæfiseinkunn Toyota Motor. Segir í tilkynningu frá S&P að þau vandamál sem hafa komið upp í bifreiðum sem Toyota framleiðir hafi skaðleg áhrif á orðstír félagsins og hætta sé á að sala á Toyota bifreiðum dragist saman í kjölfarið.

Hefur S&P sett lánshæfiseinkunn Toyota á athugunarlista með neikvæðum horfum en einkunn Toyota er AA. Einkunninn AA er sú þriðja besta af 22 mögulegum lánshæfiseinkunnum. Hún þýðir að mjög miklar líkur séu á að fyrirtækið geti staðið við skuldbindingar sínar.

• 1 blogg um fréttina

Bloggað um fréttina

• Davíð Pálsson: Toyota í miklum erfiðleikum