Viðskipti
| mbl
| 8.2.2010
| 10:52
Nýtt viðskiptakerfi hjá Nasdaq OMX
Kauphöll Íslands. Reuters
Nasdaq OMX segir, að innleiðing viðskiptakerfisins Inet hafi tekist vel í dag á öllum mörkuðum á Norðurlöndunum, það er í Kaupmannahöfn, Helsinki, Reykjavík og Stokkhólmi, og í Eystrasaltsríkjunum í Riga, Tallinn og Vilnius.
Inet er notað á Nasdaq markaðnum í Bandaríkjunum og á markaðstorginu Nasdaq OMX Europe í Lundúnum. Frá og með deginum verður viðskiptakerfið notað á öllum mörkuðum fyrirtækisins.
Í tilkynningu segir Þórður Friðjónsson, forstjóri Nasdaq OMX Iceland, að innleiðing Inet sé stórviðburður í sögu kauphallarstarfsemi á Norðurlöndunum og gríðarleg tækifæri til framþróunar og sóknar á alþjóðavettvangi felist í þessu.
© Árvakur hf.
Öll réttindi áskilin
