Viðskipti
| AFP
| 10.3.2010
| 9:53
Hagnaður Axel Springer minnkar um 40%
Höfuðstöðvar Axel Springer í Berlín
Hagnaður þýsku fjölmiðlasamsteypunnar Axel Springer dróst mikið saman á síðasta ári eða um 40%. Nam hagnaður félagsins 152,6 milljónum evra, 26,6 milljörðum króna, og rekstrarhagnaður dróst saman um rúm 30% og nam 333,7 milljónum evra.
Tekjur Axel Springer drógust saman um 4,3% og námu 2,6 milljörðum evra. Segir í tilkynningu að mikil niðursveifla hafi ríkt á markaðssvæðum félagsins og auglýsingatekjur minnkað verulega.
Axel Springer starfar í 35 löndum og gefur út 170 dagblöð, þar á meðal þýska blaðið Bild sem er mest selda dagblað í Evrópu.
Merki Axel Springer
© Árvakur hf.
Öll réttindi áskilin
