Bónusgreiðslur miðlara hærri en tekjur verðbréfasviðs
Setja bókamerki
Samkvæmt skýrslu rannsóknarnefndar Alþingis námu bónusgreiðslur til starfsmanna verðbréfasviðs Landsbankans 194 milljónum króna haustið 2007. Á sambærilegu tímabili voru tekjur sviðsins einungis 178 milljónir. Þetta þýðir með öðrum orðum að Landsbankinn hafi metið réttmætar bónusgreiðslur ofan á laun verðbréfamiðlara bankans hærri en tekjurnar sem verðbréfasviðið skapaði bankanum.
Fram kemur í umfjöllun nefndarinnar um hvatakerfi starfsmanna Landsbankans að almennt hafi bónusgreiðslur starfsmanna Landsbankans aukist mikið milli ára þó svo að tekjur þeirra starfsviða sem rannsóknarnefndin athugaði hafi staðið í stað.
Rannsóknarnefndin kemst meðal annars að þeirri meginniðurstöðu í umfjöllun sinni um hvatakerfi bankanna á árunum 2004 til 2008 að bónusgreiðslur starfsmanna bankanna hafi verið án eiginlegra tengsla við frammistöðu þeirra í starfi.
Markaðurinn hitnar og leiguverð hækkar hratt
Stóraukið fé til samgöngusáttmála
Aukin tíðni þungunarrofa hjá yngsta aldurshópnum
Innviðir þandir og álagið „gríðarlegt“
Starfsfólk gæti fengið reikning frá Skattinum
„Tíminn er runninn út fyrir Kristján Loftsson“
Þrjú og hálft ár fyrir skotárás í Úlfarsárdal