Gríska hlutabréfavísitalan hækkaði um rúmlega 5% í morgun. Voru það viðbrögð fjárfesta við fréttum um, að dregið hafi úr andstöðu Þjóðverja við efnahagsaðstoð Evrópusambandsins og Alþjóðagjaldeyrissjóðsins við Grikki.
Miklar sveiflur hafa verið á hlutabéfaverði í grísku kauphöllinni undanfarna daga en efasemdir eru um að Grikkir geti greitt af skuldabréfum, sem eru á gjalddaga í maí.