Danir að verða jafnríkir og fyrir kreppu

Peningarlegar eignir dönsku þjóðarinnar hafa furðu fljótt náð fyrri upphæðum, eftir að hafa tekið djúpa dýfu í heimskreppunni.Samkvæmt nýrri greiningu frá Nordea bankanum sænska eru eignir Dana nú um það bil á pari við það sem þær voru fyrir kreppuna.

Sparnaður hefur aukist mun meira en búist var við, en nú er mikilvægt að fjárfestar í einkageiranum fari ekki of geyst af stað í áhættusamar fjárfestingar, eftir að hafa þurft að bíða lengi og halda kyrru fyrir. Þetta segja bæði nýjar greiningar frá Nordea og frá Nykredit.

Danir með lífeyrissparnað sem liggur í fjárfestingum með lítilli til miðlungs áhættu, eiga í dag meira en þeir áttu, þegar lausafjárkrísan byrjaði í október 2007. Aðeins Danir sem hafa valið áhættusamari sjóði til að leggja inn í, þ.e. að segja 70% fjárfest í hlutabréfum, eru enn með tap í bókum sínum af kreppunni.

Henrik Drusebjerg, sérfræðingur hjá Nordea, bendir á að ef hlutabréfamarkaðir halda áfram að þróast eins og þeir hafa gert að undanförnu muni þeir sem sett hafa sinn sparnað í þessa áhættusamari sjóði endurheimta það sem þeir töpuðu í kreppunni fyrir lok næsta árs.

„Sparnaður Dana er nú aftur orðinn samur og við erum hissa á því að þetta hafi gengið svona hratt til baka,” segir Drusebjerg.

• 1 blogg um fréttina

Bloggað um fréttina

• Guðbjörn Guðbjörnsson: ESB - Danir að spjara