Viðskipti
| Morgunblaðið
| 15.7.2010
| 5:30
| Uppfært
9:38
Seldi fasteign degi fyrir frystinguna
Jón Ásgeir Jóhannesson. mbl.is/Kristinn
Jón Ásgeir Jóhannesson seldi fasteign í London hinn 10. maí síðastliðinn, degi áður en slitastjórn Glitnis krafðist kyrrsetningar á eignum hans um allan heim.
Fyrir fasteignina, sem er staðsett nærri Kew Gardens í London, fékk Jón Ásgeir greiddar rúmlega 1,5 milljónir punda. Miðað við opinbert gengi Seðlabanka Íslands slagar sú upphæð í 290 milljónir króna. Þetta kemur fram í gögnum frá fasteignaskrá í Bretlandi, sem Morgunblaðið hefur undir höndum.
Sem kunnugt er lagði Jón Ásgeir fram eignalista fyrir breskum dómstólum fyrir skömmu, en samanlagt verðmæti eignanna á listanum var um og yfir ein milljón punda. Þær bankainnistæður sem Jón Ásgeir taldi sér til eigna voru jafnframt minni en tíundi hluti þeirrar upphæðar sem fékkst fyrir húsið, en eins og gefur að skilja eru heldur engin ummerki um húsið á listanum, að því er fram kemur í viðskiptablaði Morgunblaðsins í dag.
© Árvakur hf.
Öll réttindi áskilin
