Hagnaður á rekstri Nýherja nam 100 milljónum króna á fyrri árshelmingi en á sama tímabili í fyrra var 71 milljónar króna tap á rekstrinum. 

Fram kemur í tilkynningu, að vörusala innanlands í öðrum ársfjórðungi hafi verið  30% meiri en í sama ársfjórðungi í fyrra. Þá hafi náðst hafnvægi í rekstri erlendra dótturfélaga og séu horfur góðar á síðari árshelmingi.

Þá er áformað að samningar við viðskiptabanka félagsins um fjárhagslega endurskipulagningu liggi fyrir á næstunni. Þórður Sverrisson, forstjóri, segir að Nýherji sé langt kominn í viðræðum við bankana um endurskiplagningu á fjárhag samstæðunnar og sé gert ráð fyrir að niðurstöður liggi fyrir á næstunni.