Aðeins fimm sátu aðalfund Arionbanka. mbl.is/Golli

Stjórnarformaður Arion banka, Monica Caneman, var fjarstödd á aðalfundi bankans sem haldinn var í maí síðastliðnum. Stjórnarmaðurinn Steen Hemmingsen var heldur ekki á staðnum.

Þetta kemur fram í fundargerð bankans frá aðalfundinum, sem aðgengileg er hjá fyrirtækjaskrá. Fram kemur í fundargerðinni að fundurinn hafi ekki verið auglýstur eins og samþykktir félagins kveða á um.

Hluthafar óskuðu engu að síður eftir að fundurinn yrði haldinn. Hluthafar Arion banka eru tveir, eða Kaupskil sem er í eigu skilanefndar Kaupþings og íslenska ríkið. Ársreikningur bankans fyrir síðasta ár var samþykktur samhljóða af þeim fimm einstaklingum sem sátu aðalfundinn.