Reynt að fegra stöðu Landsbankans
Setja bókamerki
Björgólfur Thor Björgólfsson segir að reynt hafi verið að fegra fjárhagsstöðu Landsbankans þegar unnið var að einkavæðingu bankans. Staða Landsbankans hafi árið 2002 verið mun veikari en þáverandi eigendur og stjórnendur vildu viðurkenna. Þetta kemur fram í vef sem Björgólfur Thor hefur opnað þar sem hann fer yfir viðskipti sín.
Björgólfur Thor Björgólfsson benti á það í bréfi til einkavæðingarnefndar í byrjun september 2002 að framlög á afskriftareikning Landsbankans væru verulega vanmetin. Er þetta áður en tilkynnt var að gengið yrði til viðræðna við Samson.
Segir Björgólfur að það sæist glöggt á uppgjöri fyrstu sex mánaða ársins. Í fyrstu áreiðanleikakönnun á bankanum 15. nóvember 2002 komu einnig fram vísbendingar um þetta. Einnig komu fram ábendingar frá Fjármálaeftirlitinu og PricewaterhouseCoopers um að framlag í afskriftarreikning hefði verið í algeru lágmarki.
Áreiðanleikakönnun KPMG, sem unnin var fyrir Samson, sýndi fram á það sama. Þar sagði að veruleg frávik væru á bókfærðu virði eigna bankans og raunstöðu. Það var mat Samson manna að þar sem frávikið væri verulegt þyrfti að styrkja bankann töluvert með hlutafjáraukningu.
Þeir töldu einnig að yfirstjórn Landsbankans, bankaráð og Ríkisendurskoðandi hefðu með skiplögðum hætti vantalið framlag á afskriftareikning útlána í því skyni að fegra afkomu bankans, segir á vef Björgólfs Thors.
Sárt að horfa upp á illa meðferð fjármuna
Markaðurinn hitnar og leiguverð hækkar hratt
Segjast hafa skotið niður langdræga sprengjuvél
Aðeins ein leið fær í Grindavíkurmálum
Hægagangur og vaxandi ókyrrð
Hafa samþykkt kaup fyrir um 9,2 milljarða
Ekki byggt í takt við áform sveitarfélaga
Ísraelar hefna árásarinnar