Skuldatryggingarálag lækkar hratt
Skuldatryggingaálag íslenska ríkisins er nú 315 punktar. Ómar Óskarsson
Skuldatryggingarálag íslenska ríkisins hefur lækkað hratt að undanförnu, samkvæmt samantekt CMA Market Vision. Álagið lækkaði um tæplega 10 punkta í gær og er nú 315 punktar.
315 punkta skuldatryggingarálag þýðir að greiða þarf 31.500 evrur til að tryggja sig gegn greiðslufalli íslenska ríkisins á milljón evra skuldabréfi. Samkvæmt CMA er ætlaðar greiðslufallslíkur íslenska ríkisins nú um og yfir 20%.
Athygli vekur að skuldatryggingarálag Írlands er nú orðið hærra en Íslands. en álagið á Írland er nú tæplega 340 punktar. Margir hafa borið saman stöðu Íslands og Írlands frá því að fjármálakreppan gerði fyrst vart við sig sumarið 2007. Bankakerfi beggja landa urðu ógnarstór á stuttum tíma. Írska ríkisstjórnin ábyrgðist hins vegar skuldir írskra banka með fulltingi evrópskra peningamálayfirvalda, en eins og kunnugt er fóru íslensku bankarnir í þrot.
Það land sem hefur hæsta skuldatrygginarálag í heimi er Venezúela með 1227 punkta. Annað sætið vermir Grikkland með 920 punkta og Argentína hið þriðja með 921. Ástæða þess að Grikkland situr í öðru sæti er háar líkur á greiðslufalli ríkisins, eða tæp 54%.
