Tap hjá 365 miðlum í fyrra

Tap á rekstri 365 miðla nam 344 milljónum króna á síðasta ári, að því er kemur fram í tilkynningu frá félaginu. Félagið segir hins vegar að á þessu ári hafi orðið viðsnúningur í rekstrinum og fyrstu níu mánuði ársins hafi verið 86 milljóna króna hagnaður.

Fram kemur í tilkynningu að 365 miðlar hafi skilað ársreikningi fyrir árið 2009 til fyrirtækjaskrár Ríkisskattstjóra í dag. Samkvæmt reikningnum nam heildarvelta félagsins 7966 milljónum króna og hagnaður fyrir afskriftir og fjármagnskostnað nam 808 milljónum króna.  Afskriftir og fjármagnsliðir námu 1152 milljónum á árinu og tap ársins var því 344 milljónir.

Samkvæmt efnahagsreikningi nam eigið fé félagsins 773 milljónum króna í árslok 2009 og eiginfjárhlutfall 9,3%.  Þá nam handbært fé félagsins 235 milljónir.

Þá segir í tilkynningunni, að fjárhagsstaða félagsins hafi styrkst verulega á árinu 2010.  Í lok mars hafi hlutafé félagsins verið aukið um 1 milljarð króna aukningunni  að miklu leyti ráðstafað til niðurgreiðslu skulda í byrjun apríl. 
 
Samkvæmt rekstrarreikningi fyrir fyrstu 9 mánuði ársins 2010 þá nam heildarvelta félagsins um 6 milljörðum króna og hagnaður fyrir  afskriftir og fjármagnskostnað nam 594 milljónum, sem sé í samræmi við áætlanir félagsins.   Afskriftir og fjármagnsliðir námu 508 milljónum króna og hagnaður tímabilsins var því 86 milljónir.  Á sama tíma árið áður nam EBITDA hagnaður 448 milljónum króna og tap félagsins var 513 milljónir.

Samkvæmt efnahagsreikningi nemur eigið fé félagsins nú 1846 milljónum og er eiginfjárhlutfall 20,3%.  Veltufjárhlutfall er 1,02 og handbært fé félagsins nam 735 milljónum í lok september.
 
Reykjavík 11. október 2010
Ari Edwald
 
 
 
 
 
 
 

mbl.is

Bloggað um fréttina

Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK