Guðmundur Rúnar Guðmundsson

Slitastjórn Byrs sparisjóðs, fjármálaráðuneytið fyrir hönd ríkissjóðs og Byr hf. hafa náð samkomulagi um uppgjör og eignarhald Byrs hf. Hlutur ríkisins í Byr verður 5,2% en 94,8% hlutur verður eign Byrs sparisjóðs en í vörslu og umsjón fjármálaráðuneytisins, í samstarfi við slitastjórn Byrs sparisjóðs, þar til slitastjórnin kallar eftir honum, en það er miðað við að það gerist innan tveggja ára.  Þetta kemur fram í tilkynningu.

Kröfu Byrs sparisjóðs á Byr hf. breytt í hlutafé

Með þessu samkomulaginu verður Byr fullfjármagnaður með nýjan stofnefnahagsreikning sem uppfyllir eiginfjár- og lausafjárkvaðir Fjármálaeftirlitsins og Seðlabanka Íslands. 

Fjármálaráðuneytið mun veita Byr hf. allt að 5 milljarða króna víkjandi lán á markaðskjörum til 10 ára, sem ráðgert er að Byr hf. greiði upp á 5 árum. Kröfu Byrs sparisjóðs á Byr hf. verður breytt í hlutafé í Byr hf. en útgefið hlutafé í Byr hf. verður um 17,2 milljarðar. Samkomulag þetta fer nú til umfjöllunar hjá eftirlitsaðilum.