Ísland fór réttu leiðina

Ársæll Valfells, lektor við Háskóla Íslands
Ársæll Valfells, lektor við Háskóla Íslands

„Við höfum í raun færst aftur til ársins 2003 hvað lífsgæði varðar,“ er haft eftir Ársæli Valfells í viðtali við vefútgáfu New York Times. Hann segir ungt fólk, sem skuldsetti sig um of, standa verst í dag, en það muni „komast í gegnum þetta.“

Í grein blaðsins segir að Ísland hafi brotist út úr kreppunni á þriðja ársfjórðungi í ár. Þá hafi hagvöxtur mælst í fyrsta sinn frá því kreppan skall á árið 2008.

Ársæll, sem er lektor við Háskóla Íslands, segir þá leið sem farin hafi verið hér á landi geta reynst löndum evrusvæðisins lærdómsrík. „Þetta er rétta leiðin. Ef þú gengur í gegnum bólumyndun í hagkerfinu, og hana þarf að leiðrétta, er ekki rétta leiðin að umbreyta skuldum einkaaðila í opinberar skuldir. Réttara er að endurskipuleggja skuldirnar með hliðsjón af eignum,“ segir hann.

Grein New York Times

mbl.is

Bloggað um fréttina

Svæði

Gagnaveitur

Erlendar viðskiptafréttir