Sparekassen Lolland hefur keypt Eik Bank Danmark, dótturfélag færeyska bankans Eikar, sem danski tryggingasjóðurinn Finansiel Stabilitet yfirtók í september. Eik Bank Danmark rekur meðal annars stærsta netbanka Danmerkur og er með 87 þúsund viðskiptavini. Innlán nema um 5 milljörðum danskra króna og útlán um 2,5 milljörðum.
Að sögn danskra miðla er talið að kaupverðið nemi um 365 milljónum danskra króna, jafnvirði um 7,7 milljarða íslenskra króna.