mbl.is/Golli

Ennþá er stefnt að því að skrá Icelandic Group á hlutabréfamarkað, eins og sagt var þegar Framtakssjóður Íslands keypti hlut í fyrirtækinu.

Ágúst Einarsson, stjórnarformaður Framtakssjóðsins, segir í viðskiptablaði Morgunblaðsins í dag, að viðræður við erlenda fjárfestingarsjóðinn Triton snúi að sölu á einstökum erlendum eignum fyrirtækisins, svo sem verksmiðjum í útlöndum.

„Ef til stæði að selja fyrirtækið allt væri framkvæmdin að sjálfsögðu allt önnur, en viðræðurnar núna snúa aðeins að sölu á tilteknum erlendum eignum Icelandic, sem mun ekki hafa nein áhrif á íslenskt atvinnulíf.“