29,4 milljarða hagnaður Íslandsbanka
Setja bókamerki
Afkoma Íslandsbanka á árinu 2010 var jákvæð um 29,4 milljarða króna eftir skatta en áætluð opinber gjöld ársins eru 8,1 milljarður króna. Hagnaður bankans var 24 milljarðar króna á síðasta ári.
Eiginfjárhlutfall bankans var 26,6% sem er töluvert hærra en það 16% lágmark sem FME hefur sett bankanum. Arðsemi eiginfjár var 28,5%. Enginn arður verður greiddur til eigenda bankans.
Hreinar vaxtatekjur námu 34,9 milljörðum samanborið við 32 milljarða á árinu 2009. Nettó tekjufærsla vegna endurmats lánasafnsins nam 14,5 milljörðum. Tekjufærslan er að miklu leyti tilkomin vegna betri afkomu fyrirtækja en vænst var í upphaflegu verðmati þegar eignir voru yfirteknar frá Glitni.
Í tilkynningu frá bankanum er haft eftir Birnu Einarsdóttur, bankastjóra, að uppgjörið endurspegli vel að Íslandsbanki sé á góðri leið með að koma grunnrekstri sínum í eðlilegan farveg. Þar skipti vinna við endurskipulagningu lánasafnsins mestu.
„Við erum þó enn í ólgusjó og því gott að vera með góða arðsemi, sterkt eigið fé og trausta lausafjárstöðu til að geta tekist á við þau krefjandi verkefni sem framundan eru," er haft eftir Birnu.
„Á réttri leið en nokkuð í land ennþá“
Skemmtiferðaskip hætt komið nærri Viðey
Árshátíð ríkislögreglustjóra haldin í Tékklandi
Eyjafjarðarbraut lokað vegna alvarlegs umferðarslyss
Skar höfuðleðrið af íslenskri konu
„Okkur miðar í rétta átt“
„Skýr skilaboð til Seðlabankans“
Handteknir eftir myndatöku í Vesturbæjarlaug