Héraðsdómur staðfestir neyðarlög

Héraðsdómur Reykjavíkur skar í dag úr um að innstæður í Icesave reikningum skuli teljast forgangskröfur í  þrotabú Landsbankans. Í raun staðfestir héraðsdómur neyðarlögin svokölluðu, sem kváðu á um forgang innstæðna í þrotabú fjármálastofnana.

Almennir kröfuhafar höfðu gert kröfu um að innstæðurnar skyldu ekki teljast slíkar forgangskröfur. Hefði dómurinn komist að annarri niðurstöðu hefði það hleypt áætlunum um endurheimtur vegna Icesave innstæðna í uppnám, enda hefðu innstæðutryggingasjóðir Hollendinga og Breta þá fengið mun lægri upphæð úr þrotabúinu en ella. 

Úrskurðurinn verður án efa kærður til Hæstaréttar. 

• 1 blogg um fréttina

Bloggað um fréttina

• Jakobína Ingunn Ólafsdóttir: Þeir sem ræna tungumálinu