Tap á rekstri norræna flugfélagsins SAS nam 373 milljónum sænskra króna, jafnvirði 6,8 milljarða íslenskra króna, á fyrsta fjórðungi ársins og helmingaðist frá sama tímabili í fyrra.

Félagið segir, að þetta sé að þakka sparnaðaráætlun, sem hefur verið í gildi síðustu misseri og góðar líkur séu á að hagnaður verði á rekstrinum fyrir skatta á árinu svo framarlega sem eldsneytisverð haldi ekki áfram að hækka.

Sölutekjur á tímabilinu námu 9,2 milljörðum sænskra króna en voru 9,5 milljarðar fyrir ári.