Guðríður og Þórunn í Kauphöllina

Þær Guðríður Ólafsdóttir og Þórunn Guðmundsdóttir hafa verið ráðnar til Kauphallar Íslands, Nasdaq OMX Iceland. Guðríður er ráðin á skráningasvið Kaupahllarinnar en hún er viðskiptafræðingur að mennt auk þess að ver a með gráður í heimspeki, fjölmiðlafræði og í kennslufræðum. Hún var sérfræðingur á fyrirtækjasviði Landsbanka Íslands hf. árið 2008 og hafði áður starfað hjá Lýsingu hf . á árunum 1993-2007, síðast sem framkvæmdastjóri fyrirtækjasviðs. Hún sat í bankaráði Landsbankans frá febrúar 2010 til maí 2011.

Þórunn mun starfa á rekstrasviði Kauphallarinnar. Þórunn útskrifaðist með B.Ed. frá Kennaraháskóla Íslands 1990 með áherslu á líffræði og landafræði og starfaði sem grunnskólakennari 1990-1993. Hún hóf störf á landsskrifstofu Rauða kross Íslands árið 1997 og sinnti þar ýmsum störfum s.s. skjalavörslu, innleiðingu og kennslu  fyrir starfsmenn á nýjum hugbúnaði fyrir skjalavörslu, undirbúning funda og námskeiða og var aðstoðarmaður sviðsstjóra innanlandssviðs.

• 1 blogg um fréttina

Bloggað um fréttina

• Axel Jóhann Hallgrímsson: Gummi og Magga í Matvörubúðina