Gengið frá ráðningu Draghi í dag

Frakkar vænta þess að leiðtogar Evrópusambandsins muni síðar í dag staðfesta ráðningu Mario Draghi sem yfirmann Seðlabanka Evrópu. Draghi er seðlabankastjóri Ítalíu.

Hefur AFP fréttastofan eftir heimildum að samkomulag sé í nánd um skipun Draghi en fastlega var gert ráð fyrir því að ráðning hans sem eftirmanns Jean-Claude Trichet, fráfarandi seðlabankastjóra, yrði samþykkt í gær. Trichet lætur af embætti í nóvember.

Frakkar komu í veg fyrir að skipun Draghi yrði kunngerð í gær þrátt fyrir að þeir styðji ráðningu Draghi þar sem þeir vilja tryggja sér sæti í framkvæmdastjórn Seðlabankans í staðinn fyrir stuðninginn.

• 1 blogg um fréttina

Bloggað um fréttina

• Axel Jóhann Axelsson: Svona gerast hrossakaupin í ESB