Mikil tiltekt framundan

Aðeins fimm ríki sem eiga aðild að Efnahags- og framfarastofnuninni (OECD) þurfa að taka til meira í ríkisfjármálum sínum en það íslenska.

Samkvæmt töflu sem breska tímaritið The Economist birtir, og er byggð á gögnum OECD) þarf frumjöfnuður ríkisins, – það er jöfnuður tekna og gjalda að fjármagnstekjum og -gjöldum undanskildum, að batna sem nemur 13% af landsframleiðslu ef skuldastaða ríkisins á að komast í 60% af landsframleiðslu árið 2026.

Aðeins Japan, Bandaríkin, Írland, Grikkland og Bretland þurfa að bæta frumjöfnuð meir en íslensk stjórnvöld á þessu tímabili. Grikkland er í fjórða sæti og frumjöfnuðurinn þarf að skána um 16%.