394 fasteignir á 4 vikum
Mikill vöxtur hefur verið í fasteignasölu á höfuðborgarsvæðinu mbl.is/Sverrir Vilhelmsson
Alls hefur 394 kaupsamningum um fasteignir verið þinglýst á höfuðborgarsvæðinu síðustu fjórar vikur, 17. júní til 15. júlí. Heildarveltan á tímabilinu nemur 11.119 milljónum króna.
Á fjögurra vikna tímabili í fyrra, 18. júní-15. júlí, voru seldar 219 fasteignir á höfuðborgarsvæðinu og var heildarveltan 5.576 milljónir króna.
Á tímabilinu 19. júní-16. júlí árið 2009 voru seldar 117 fasteignir á höfuðborgarsvæðinu og nam heildarveltan 4.944 milljónum króna.
101 fasteign seld
Fjöldi þinglýstra kaupsamninga á höfuðborgarsvæðinu 8. júlí til og með 14. júlí 2011 var 101. Þar af voru 69 samningar um eignir í fjölbýli, 25 samningar um sérbýli og 7 samningar um annars konar eignir en íbúðarhúsnæði. Heildarveltan var 2.929 milljónir króna og meðalupphæð á samning 29 milljónir króna.
Á tímabilinu 9.-15. júlí í fyrra var 59 kaupsamningum þinglýst á höfuðborgarsvæðinu og var heildarveltan 1.486 milljónir króna. 10.-16. júlí árið 2009 voru kaupsamningarnir 30 talsins og veltan 1.231 milljón króna.
8. júlí til og með 14. júlí 2011 var 2 kaupsamningum þinglýst á Suðurnesjum. Það voru samningar um sérbýli. Heildarveltan var 45 milljónir króna og meðalupphæð á samning 22,3 milljónir króna.
Á sama tíma var 6 kaupsamningum þinglýst á Akureyri. Þar af voru 3 samningar um eignir í fjölbýli og 3 samningar um sérbýli. Heildarveltan var 113 milljónir króna og meðalupphæð á samning 18,8 milljónir króna.
Á sama tíma var 3 kaupsamningum þinglýst á Árborgarsvæðinu. Þar af voru 2 samningar um sérbýli og 1 samningur um annars konar eignir en íbúðarhúsnæði. Heildarveltan var 47 milljónir króna og meðalupphæð á samning 15,8 milljónir króna, samkvæmt frétt á vef Þjóðskrár Íslands.
