Bankastjórar á evrufundi

Forstjórar helstu bankanna á evrusvæðinu munu sitja leiðtogafund Evrópusambandsins í Brussel í dag þar sem ná á samkomulagi um áætlun til að bjarga Grikklandi út úr skuldavanda, sem landið og evrusvæðið glímavið.

Þýska blaðið Bild segir, að Josef Ackermann, forstjóri Deutsche Bank, stærsta banka Þýskalands, muni meðal annars sitja fundinn. 

Búist er við að bankastjórarnir styðji að bankar komi að björgunaráætluninni þegar búið sé að ná samkomulagi um hinn pólitíska þátt málsins. 

Angela Merkel, kanslari Þýskalands, og Nicolas Sarkozy, forseti Þýskalands, náðu í gærkvöldi samkomulagi um sameginlega afstöðu ríkjanna tveggja. Ekki hefur verið gefið upp hver sú afstaða er.  

Jean-Claude Trichet, seðlabankastjóri Evrópu, sat fundinn með Merkel og Sarkozy.

• 1 blogg um fréttina

Bloggað um fréttina

• Ægir Óskar Hallgrímsson: Og þangað vill ríkisstjórn Íslands...