Hlutabréf lækka mikið

Hlutabréf lækkuðu mikið í helstu kauphöllum Evrópu þegar viðskipti hófust þar í morgun. Er þetta rakið til tilkynningar grískra stjórnvalda í gærkvöldi um að þau muni ekki ná settum markmiðum um fjárlagahalla á þessu ári. Hefur þetta aukið líkur á greiðslufalli gríska ríkisins.

Kauphallarvísitölur í Frankfurt, París og Lundúnum lækkuðu um 2-3% í upphafi viðskiptadagsins. Í morgun lækkaði Nikkei hlutabréfavísitalan í Tókýó um 1,78% og  vísitalan í Hong Kong lækkaði um 4,38%.

Gengi bréfa fransk-belgíska bankans Dexia lækkaði um rúmlega 12% eftir matsfyrirtækið Moody's tilkynnti að lánshæfiseinkunn bankans yrði hugsanlega lækkuð vegna lausafjárvandræða. Hlutabréf annarra franskra banka hafa einnig lækkað mikið í morgun en þeir eiga mikið af grískum ríkisskuldabréfum. 

• 3 blogg um fréttina

Bloggað um fréttina

• Ómar Geirsson: Fyrirheit án forsenda er alltaf dæmt til að mistakast.
• Anna Karlsdóttir: Kvalir við óþægilega ákvarðanatöku
• Ásgrímur Hartmannsson: Með bæði augun lokuð