Nánast öll gjaldeyrisviðskipti Íslendinga um þessar mundir, þar með talin þau sem tengjast ferðalögum, eru háð leyfi Seðlabankans. mbl.is/Hilmar Bragi

Jón Daníelsson, hagfræðingur við London School of Economics, segir að gjaldeyrishöftin á Íslandi eigi ekkert skylt við þær aðgerðir sem menn hafa ráðist í í ríkjum á borð við Suður-Kóreu og Brasilíu til þess að spyrna við raskandi áhrifum mikils fjármagnsflæðis.

Höftin hér á landi líkist fyrst og fremst hinum víðtæku höftum sem voru hér á landi á sjötta áratug síðustu aldar og þau hafi gríðarlega skaðleg áhrif á efnahagslífið. Engin ástæða hafi verið til þess að setja höftin á í upphafi og réttara hefði verið að feta þá leið sem lögð var til af sumum íslenskum sérfræðingum að leggja í þeirra stað tímabundinn skatt á útflæði fjármagns.

Í umfjöllun um mál þetta í Morgunblaðinu í dag kemur fram, að Jón og Ragnar telja ólíklegt að höftin verði afnumin í fyrirsjáanlegri framtíð og þar af leiðandi mun þjóðhagslegur kostnaður vegna þeirra stigmagnast.