Morgunblaðið

Hagnaður Eimskipafélagsins eftir skatta var um 800 milljónir króna á þriðja ársfjórðungi eftir skatta.  Á sama tímabili á síðasta ári var hagnaðurinn 300 milljónir króna.

Hagnaðurinn fyrstu níu mánuði ársins eftir skatta var um 2 milljarðar króna en var 1,5 milljarðar króna á sama tímabili í fyrra.

Gylfi Sigfússon, forstjóri Eimskips, segir í tilkynningu að afkoma félagsins á þriðja ársfjórðungi sé umfram  væntingar og  flutningamagnið hafi aukist á milli ára sem sé jákvæð þróun á annars mjög erfiðum tímum. Ljóst sé hinsvegar, að umhverfið sé ennþá mjög krefjandi og mikilvægt að vera  vakandi fyrir þeim ytri þáttum sem geti haft áhrif á afkomu félagsins.