Danskir forstjórar vilja ekki evru

Meirihluti forstjóra danskra stórfyrirtækja er nú andvígur því, að Danir taki upp evru, samkvæmt könnun, sem viðskiptablaðið Børsen hefur látið gera. Segir blaðið, að þetta sé í fyrsta skipti, sem meirihluti þessa hóps sé andvígur evrunni. 

Stofnunin Greens Analyseinstitut gerði könnunina fyrir blaðið og leitaði til forstjóra 760 stærstu fyrirtækja landsins.

Niðurstaðan var, að 55% forstjóranna sögðust myndu greiða atkvæði gegn því í þjóðaratkvæðagreiðslu nú, að taka upp evru, en 45 sögðust myndu greiða atkvæði með því að krónunni yrði skipt út fyrir evru.

Fram kemur að skuldakreppan á evrusvæðinu er höfuðástæðan fyrir því að forstjórarnir vilja nú halda í krónuna.   

• 2 blogg um fréttina

Bloggað um fréttina

• Torfi Kristján Stefánsson: Ætli Össur viti af þessu?
• Heimssýn: Frönsk stofnun: Eitt Stór-Evrópuríki eða endalok ESB