Christine Lagarde á ráðstefnunni í Davos. Reuters

Christine Lagarde, yfirmaður Alþjóðagjaldeyrissjóðsins, segir að óviðeigandi niðurskurður geti kæft mögulegan hagvöxt. Hún segir að sníða þurfi aðhaldsaðgerðir eftir aðstæðum í viðkomandi hagkerfum. Það eigi því ekki að grípa til nákvæmalega sömu aðgerða í öllum ríkjum.

Þetta kom fram á efnahagsráðstefnu sem haldin er í Davos í Sviss. AGS er á meðal þeirra sem hafa lagt á það áherslu að ríki dragi úr skuldum, en sumir hafa áhyggjur af því að þetta geti hamlað vexti.

Á ráðstefnunni hefur mikið verið rætt um það hver séu réttu viðbrögðin við vandanum á evrusvæðinu, að því er segir á vef breska ríkisútvarpsins.