Heimsmarkaðsverð á olíu heldur áfram að hækka Reuters

Heimsmarkaðsverð á olíu hélt áfram að hækka í dag og hefur ekki verið hærra í níu mánuði.

Er hækkunin einkum rakin til stirðra samskipta Írans og vesturveldanna og árása stjórnvalda í Sýrlandi á stjórnarandstæðinga.

Í New York hefur verð á West Texas Intermediate-hráolíu til afhendingar í apríl hækkað um 1,55 Bandaríkjadali og er 107,83 dalir. Hefur það ekki verið hærra síðan 4. maí í fyrra.

Í Lundúnum hækkaði verð á Brent-Norðursjávarolíu um 72 sent og er 123,62 dalir og hefur ekki verið hærra síðan 2. maí í fyrra.