Fyrstu 3 mánuði ársins 2012 er fjöldi gjaldþrota 348 sem er um 21% fækkun frá sama tímabili árið 2011 þegar 440 fyrirtæki voru tekin til gjaldþrotaskipta.
Í mars voru 153 fyrirtæki tekin til gjaldþrotaskipta samanborið við 214 fyrirtæki í mars 2011. Eftir atvinnugreinum voru flest gjaldþrot í heild- og smásöluverslun og viðgerðum á vélknúnum ökutækjum.
Fleiri nýskráningar í ár
Í mars 2012 voru skráð 158 ný einkahlutafélög (ehf) samanborið við 178 einkahlutafélög í mars 2011. Eftir atvinnugreinum voru flest einkahlutafélög skráð í heild- og smásöluverslun, viðgerðir á vélknúnum ökutækjum.
Fyrstu 3 mánuði ársins 2012 er fjöldi nýskráninga 460 sem er um 4% aukning frá sama tímabili árið 2011 þegar 441 fyrirtæki voru nýskráð, samkvæmt frétt Hagstofu Íslands.