Coca Cola: Erum ekki að yfirtaka orkudrykkjarframleiðanda

Fyrirtækið Coca-Cola segist ekki vera að yfirtaka orkudrykkjaframleiðandann Monster Beverage, en fréttir þess efnis hafa undanfarið birst í fjölmiðlum.

Fyrirtækið segist eiga í góðu viðskiptasambandi við Monster, þeir dreifi m.a. vörum sínum saman á mörgum mörkuðum, m.a. í Bandaríkjunum.

Wall Street Journal sagði m.a. frá því í morgun að Coke væri í viðræðum um kaup á Monster en það fyrirtæki er metið á 13 milljarða bandaríkjadala.

Verðmæti hlutabréfa í Monsters Beverage hækkuðu um 28% við þessar fréttir í dag en lækkuðu lítið eitt er líða tók á daginn.

Talsmaður Coca-Cola segir að gott samstarf sé milli fyrirtækjanna og alltaf sé verið að reyna að finna leiðir til að bæta það.

• Blogga um frétt