Landsvirkjun skuldbreytir lánum

Landsvirkjun hefur skrifað undir samninga við Norræna fjárfestingarbankann um að skuldbreyta tveimur lánum hjá bankanum úr evrum, á breytilegum vöxtum, yfir í Bandaríkjadal á föstum vöxtum. Lánin voru annars vegar tekin 2004 með gjalddaga 2019 og hins vegar 2006 með gjalddaga 2028. Þetta kemur fram í fréttatilkynningu frá Landsvirkjun.

Ávinningur Landsvirkjunar með skuldbreytingunni er tvíþættur. Annars vegar er dregið úr fjárhagslegri áhættu vegna mögulegra breytinga á gengi evru gagnvart starfsrækslugjaldmynt félagsins, Bandaríkjadal. Hins vegar er hlutfall breytilegra vaxta í lánasafninu lækkað og dregið úr vaxtaáhættu félagsins.

Við skuldbreytinguna lækkar hlutfall evru í vaxtaberandi langtímaskuldum Landsvirkjunar úr 38% í 31% en á sama tíma hækkar hlutfall Bandaríkjadals úr 42% í 49%. Þá hækkar hlutfall lána á föstum vöxtum úr 27% í 34%.

  • Til baka
  • Blogga um frétt
  • Senda
Svæði

Myntbreyta

Mynt Fjárhæð Mynt Fjárhæð
  ISK   USD
  EUR   GBP
  CAD   DKK
  NOK   SEK
  CHF   JPY
Gengi gjaldmiðla

Gagnaveitur

Erlendar viðskiptafréttir