Verulegur samdráttur í útlánum

stækka

mbl.is/Valdís Þórðardóttir

Heildarútlán Íbúðalánasjóðs námu rúmum milljarði króna í apríl en þar af voru tæpar 700 milljónir króna vegna almennra lána. Til samanburðar námu almenn útlán í apríl 2011 tæpum 2 milljörðum króna.

Meðalútlán almennra lána voru um 10 milljónir króna í apríl. Heildarfjárhæð almennra lána það sem af er ári er samtals um 3,7 milljarðar króna en var um 7 milljarðar króna á sama tímabili árið 2011.

Alls hefur Íbúðalánasjóður veitt 397 almenn íbúðalán frá áramótum í samanburði við 702 lán á sama tímabili í fyrra, sem er fækkun um rúm 43%.

Heildarvelta íbúðabréfa nam um 18,6 milljörðum króna í apríl samanborið við um 95 milljarða í mars 2012.

Greiðslur Íbúðalánasjóðs vegna íbúðabréfa og annarra skuldbindinga námu rúmum 8,7 milljörðum króna í apríl. Uppgreiðslur námu um 1,7 milljörðum króna, samkvæmt mánaðarskýrslu Íbúðalánasjóðs fyrir apríl.

  • Til baka
  • Blogga um frétt
  • Senda

Bloggað um fréttina

Loka
Svæði

Myntbreyta

Mynt Fjárhæð Mynt Fjárhæð
  ISK   USD
  EUR   GBP
  CAD   DKK
  NOK   SEK
  CHF   JPY
Gengi gjaldmiðla

Gagnaveitur

Erlendar viðskiptafréttir