Matsfyrirtækið Moody's lækkaði lánshæfismat sex þýskra banka í morgun, þeirra á meðal er Commerzbank, sem er annar stærsti banki Þýskalands.
Í yfirlýsingu frá Moody's segir að lánshæfi Commerzbank, DekaBank, DZ Bank og héraðsbankanna LBBW, Helaba og NordLB hafi verið lækkað um einn flokk vegna þeirrar hættu sem stafar af evruvandanum og takmarkaðs svigrúms þessara sex banka til að bregðast við henni.
Lánshæfismat stærsta banka Þýskalands, Deutsche Bank, er óbreytt.