Mentor og Datamarket í samstarf

F.v. Agnar Jón Ágústsson og Þorsteinn Yngvi Guðmundsson hjá Datamarket, Vilborg Einarsdóttir og Andreas Stenlund ... stækka

F.v. Agnar Jón Ágústsson og Þorsteinn Yngvi Guðmundsson hjá Datamarket, Vilborg Einarsdóttir og Andreas Stenlund hjá Mentor. mbl.is

Mentor og DataMarket skrifuðu undir samstarfssamning í vikunni. Fyrirtækin þróa saman einingu sem verður kynnt sem hluti af InfoMentor-kerfinu í fimm löndum.

Sveitarfélögum og skólastjórnendum verður gert mögulegt að fylgjast betur með frammistöðu í sínum skólum með það að markmiði að vinna að umbótum í skólastarfi. Kennarar fá í hendur nýja einingu sem er hluti af InfoMentor-kerfinu til að vinna markvisst að auknum árangri nemenda. Síðast en ekki síst er þarna um að ræða verulega byltingu í aðgengi og framsetningu upplýsinga fyrir nemendur og foreldra að frammistöðu og framvindu í skóla, segir í tilkynningu.

„Það er spennandi að leiða saman þá þekkingu og reynslu sem við í Mentor höfum í hönnun og þróun á upplýsingakerfi fyrir skóla og sérþekkingu DataMarket á framsetningu og úrvinnslu upplýsinga,“ segir Vilborg Einarsdóttir, framkvæmdastjóri Mentors, í fréttatilkynningu.

„Samstarfið við Mentor opnar nýjar leiðir og nýja markaði fyrir okkur hjá DataMarket. Það er gríðarlega áhugavert að vinna með Mentor að því að auka árangur í skólastarfi bæði hér heima og í Evrópu,“ segir Agnar Jón Ágústsson hjá DataMarket.

Akureyrarbær, Garðabær og menntamálaráðuneytið eru samstarfsaðilar að verkefninu á Íslandi sem er styrkt af Tækniþróunarsjóði.

  • Til baka
  • Blogga um frétt
  • Senda
Svæði

Myntbreyta

Mynt Fjárhæð Mynt Fjárhæð
  ISK   USD
  EUR   GBP
  CAD   DKK
  NOK   SEK
  CHF   JPY
Gengi gjaldmiðla

Gagnaveitur

Erlendar viðskiptafréttir