Fjárfestar með Spán undir smásjánni

Náið er fylgst með þróun hlutabréfamarkaða um allan heim. Hér má sjá mann við Kauphöllina ... stækka

Náið er fylgst með þróun hlutabréfamarkaða um allan heim. Hér má sjá mann við Kauphöllina í Tókýó. AFP

Fjárfestar víða um heim eru með Spán undir smásjánni og fara sér í engu óðslega þegar kemur að hlutabréfaviðskiptum. Nokkur hækkun varð þó á mörkuðum í Asíu í dag og sömu sögu er að segja eftir lokun markaða vestanhafs í gærkvöldi.

Fjárfestar hafa undanfarna daga verið mjög varkárir enda enn óljóst hvernig björgunarlán til spænskra banka frá löndum evrusvæðisins verður útfært. Þá lækkaði lánshæfnisfyrirtækið Fitch lánshæfiseinkunn 18 banka í gær.

Hækkun varð við lokun markaða í Tókýó í dag og nam hún 0,60%. Þá varð hækkun í Hong Kong um 0,44% og í Shanghai hækkaði hlutabréfavísitalan um 0,88%. Lækkun varð hins vegar í Sydney um 0,22%.

  • Til baka
  • Blogga um frétt
  • Senda
Svæði

Myntbreyta

Mynt Fjárhæð Mynt Fjárhæð
  ISK   USD
  EUR   GBP
  CAD   DKK
  NOK   SEK
  CHF   JPY
Gengi gjaldmiðla

Gagnaveitur

Erlendar viðskiptafréttir