Lögin taka aðeins til sölu á fiskiskipum
Setja bókamerki
Forsvarsmenn Bergs-Hugins hafna kröfu bæjarstjórans í Vestmannaeyjum um að bærinn fái forkaupsrétt á fyrirtækinu. Í tilkynningu frá fyrirtækinu segir að lögin, sem bæjarstjórinn hafi vísað til í símskeyti, eigi aðeins við um fiskiskip en ekki hlutabréf.
Tilkynningin er svohljóðandi:
„Í símskeyti, sem dagsett er 5. september 2012, setti bæjarstjórinn í Vestmannaeyjum fram þau sjónarmið að Vestmannaeyjabær eigi forkaupsrétt að kaupum á hlutabréfum í einkahlutafélaginu Bergi-Hugin ehf. Áður hafði bæjarstjórinn reifað þessi sjónarmið í fjölmiðlum. Vísar hann til þess að í 12. gr. laga um stjórn fiskveiða sé að finna ákvæði um forkaupsrétt ef fiskiskip eru seld milli byggðarlaga.
Ákvæði laganna um forkaupsrétt eru afar skýr. Þau taka aðeins á sölu á fiskiskipum. Þau taka ekki á sölu á hlutabréfum. Þá er sala á veiðiheimildum ekki háð forkaupsrétti. Eignarhald á hlutum í einkahlutafélaginu Bergi-Hugin ehf. hefur verið á hendi félaga sem öll eru skráð með heimilisfesti í Reykjavík. Við það voru engar athugasemdir gerðar af hálfu bæjarfélagsins. Eignarhald á hlutum í Bergi-Hugin ehf. er því að færast frá Reykjavík til Neskaupstaðar.
Með vísan til framanritaðs og skýrra ákvæða í lögum um stjórn fiskveiða er kröfu bæjarstjórans hafnað.
Rétt er að taka fram að engin áform eru uppi um að flytja heimilisfesti Bergs-Hugins ehf. frá Vestmannaeyjum.“
Hjón sluppu með skrekkinn
Aukin tíðni þungunarrofa hjá yngsta aldurshópnum
Innviðir þandir og álagið „gríðarlegt“
„Það er skiljanlegt að þolinmæði þeirra sé lítil“
Markaðurinn hitnar og leiguverð hækkar hratt
Benda á Samgöngustofu sem bendir út í heim
Segir óábyrgt að skipta út öllu bankaráðinu
„Menn eru bara búnir að forgangsraða“