Nýr bankastjóri kemur frá Kanada

Seðlabankastjóri Kanada, Mark Carney, verður næsti bankastjóri Englandsbanka, seðlabanka Breta.

Ráðningartímabili Mervyn Kings, núverandi seðlabankastjóra, lýkur í júní á næsta ári, en hann hefur verið við stjórnvölinn frá árinu 2003.

Valið á Carney kemur á óvart en Carney sjálfur átti ekki von á því að verða fyrir valinu til þess að gegna embætti seðlabankastjóra næstu fimm árin.

George Osborne, fjármálaráðherra, segir að Carney sé sterkur leiðtogi og hafi þess utan mikla reynslu úr starfi sínu í Kanada.

Flestir höfðu gert ráð fyrir að Paul Tucker, aðstoðarbankastjóri Englandsbanka, yrði fyrir valinu en hann var meðal umsækjanda.

• 2 blogg um fréttina

Bloggað um fréttina

• G. Tómas Gunnarsson: Seðlabankastjóri sóttur úr "Samveldinu"
• Ólafur Eiríksson: Áður stjóri hjá Goldman Sachs