Leigumarkaðurinn virðist enn vera í mikilli sókn og birtist það meðal annars í biðlistum eftir stúdentaíbúðum og hækkandi leiguverði undanfarna 12 mánuði. Þrátt fyrir það fækkaði nýjum leigusamningum um 9% á milli ára eða um 868 niður í 9084 á síðasta ári. Þetta kemur fram í morgunkorni greiningardeildar Íslandsbanka.

Um 63% húsaleigusamninga er gerður á höfuðborgarsvæðinu, en þar var fækkunin 11%. Undanfarna 12 mánuði hefur leiguverð á höfuðborgarsvæðinu hækkað um 8% miðað við tölur Þjóðskrár Íslands, en þegar tölur Hagstofunnar um leiguverð eru skoðaðar sem ná yfir landið allt nemur hækkunin 6%. Þetta er meiri hækkun en sem nemur hækkun íbúðaverðs á sama tíma en hækkun íbúða á landinu öllu nemur 4,6% á síðasta ári. Samhliða því að veltan á leigumarkaði er að dragast saman er veltan á íbúðamarkaði að aukast.

Á síðasta ári jókst veltan á íbúðamarkaði um tæp 20% á landinu öllu en þá voru gerðir 7.600 kaupsamningar um íbúðahúsnæði samanborið við  6.600 kaupsamninga árið 2011. Heildarviðskipi með íbúðir á síðasta ári námu 205 milljörðum.

Tengdar fréttir

Húsnæðismarkaðurinn

„Maður sefur ekki á næturnar“

• „Það er skiljanlegt að þolinmæði þeirra sé lítil“
• Hafa samþykkt kaup fyrir um 9,2 milljarða
• Íbúðaeigendur enda með neikvætt eigið fé
• Hefur áhyggjur af hækkun fasteignaverðs

» Fleiri tengdar fréttir

• 1 blogg um fréttina

Bloggað um fréttina

• Jörundur Þórðarson: Misvísandi fyrirsagnir