Skuldir færðar niður um 475 milljarða

Heildarafskriftir, eftirgjafir og leiðréttingar á lánum til viðskiptavina frá stofnun Íslandsbanka námu 475 milljörðum við árslok 2012.

Þar af eru 103 milljarðar vegna útlána til einstaklinga. Þetta kemur fram í áhættuskýrslu bankans.

Í fréttaskýringu um mál þetta í Morgunblaðinu í dag segir, að um sé að ræða talsverða aukningu milli ára, en í lok árs 2011 hafði bankinn afskrifað eða gefið eftir skuldir fyrir 347 milljarða.