Ráðamenn í Wiltshire í Bretlandi segjast vera mjög ánægðir með endurheimtur frá íslensku bönkunum, en sveitarfélagið hefur fengið um 10,2 milljónir punda af þeim 12 milljónum sem hún var með inn á reikningum bankanna. Hefur sveitarfélagið fengið 1,676 milljónir greiddar frá Landsbankanum og um 8,5 milljónir frá Heritable Bank, sem var í eigu Landsbankans. Þetta kemur fram í umfjöllun BBC.

Haft er eftir Dick Tonge, sem situr í sveitarstjórn Wiltshire, að hann sé „mjög ánægður“ með endurheimturnar og að þetta muni koma í veg fyrir að afskrifa þurfi háar upphæðir. Þá geri þeir ráð fyrir að uppgjörið muni halda áfram á næstu árum, svo enn getur bæst við endurgreiðsluna.

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir

• Blogga um frétt